"Бу - фантастика!" Синоптик Үзәк Россиядә моңарчы күрелмәгән һава торышы фаразлый
Синоптиклар Үзәк Россиядә аяз һәм җылы көннәр вәгъдә итә.
"Хәзер яңгырлар, ә атна уртасында аязу көтелә. Ялларда температура төште, яңгырлар башланды, әмма һава температурасы +2, +3 градус, шуңа күрә моны һава бозылу дип тә әйтеп булмый. Быелгы сентябрьне кешеләргә рәхәтлек китерә дип әйтеп була. Атна уртасында Мәскәүдә җылыта башлый, һава температурасы атнаның икенче яртысында +23, +24 градуска җитә", - ди Вильфанд.
"Сентябрьнең икенче яртысында +23 градус - бу бит фантастика! Һәм шушындый һава торышы якшәмбегә кадәр дәвам итәчәк", - дип вәгъдә иткән Вильфанд.
Әлегә сентябрьдәге һава торышы күпьеллык нормалардан +8 градуска кадәр җылырак. Бу көньяк-көнбатыштан искән җилләр белән бәйле.
Метеоролог бу җылытуны "әбиләр чуагы" дип атарга кыенсынган. Аның фикеренчә, "әбиләр чуагы" - ул һава торышы бозылып торганнан соң җылыту. Ә бу яллардагы яңгырларны ул һава торышы бозылу дип атау яклы түгел.