Бу артистны таныйсызмы?
Куе, кап-кара кашлар, чем кара сакал артистны бөтенләй үзгәртеп куйган.
Филүс Каһиров "Сөембикә" операсында чыгыш ясаган гримы белән төшкән сурәтне инстаграмда күрсәтте. Беренче карашка, җырчыны танып та булмый кебек. Куе, кап-кара кашлар, чем кара сакал белән Филүс Каһиров үзенә бөтенләй охшамаган.
"Җәмәгать, күптән көтелгән премьера спектакле үтеп тә китте", - ди Филүс. Аның әле сулышы да тигезләшеп өлгермәгән. Артист әлеге видеоны чыгыш ясаганнан соң төшергән.
"Нык дулкынлану, зур җаваплылык белән шушы кичне көтеп алдык. Бүген бер тында үтте дә китте. Чыннан да, бу минем өчен зур вакыйга булып калачак", ди ул. Җырчы коллегаларына, тамашачыларга рәхмәт әйтә.
Инстачылар Филүснең чыгышын мактап язганнар. "Искиткеч шәп булган", диләр. Инстаграмдагы видеоларда спектакльдән берничә күренеш тә сурәтләнгән.
- "Татарстан республикада "Сөембикә" милли операсы иҗат ителү белән горурлана ала", - дип әйткән иде Татарстан Президенты Рөстәм Миңнеханов опера премьерасын караганнан соң.
Рамил Гали фотолары