«Бригада», «Полицейский с Рублевки» сериаллары актеры вафат
Виталий Альшанский «Молодежка» сериалының режиссеры булган.
Актер Виталий Альшанский вафат булган. Аңа 52 яшь иде. Бу турыда артистның танышы сүзләренә сылтама белән РИА Новости хәбәр итте.
«Ул үлде. Ни булганын төгәл белмим, тик йөрәк авыруыннан диләр», — ди актриса Ольга Сидорова.
Аның сүзләренчә, бу көтелмәгән хәбәр, чөнки Альшанский сәламәт булган.
«Әле бер ай элек кенә күрештек. Ул җырлады, биеде, без аралаштык, авыру турында бер генә сүз дә булмады», — дигән актриса.
Виталий Альшанский «Бригада», «Полицейский с Рублевки», «Доярка из Хацапетовки» һәм башка сериалларда төшкән. Ул «Молодежка» сериалы режиссеры булган.