Әбри Хәбриев «бомбоубежище» ясаган
Әбри Хәбриев сүзгә генә түгел, агач эшенә дә оста икән.
Танылган юмор остасы йортының ишегалдына үз куллары белән яңа бәдрәф ясап куйган.
Әбри: «Ял дип тормыйбыз. Эшлибез, җәмәгать. Яңа „бомбоубежище“ны тышлап бетерергә кирәктер инде», — дип язып, инстадусларына эш барышын күрсәткән иде инде.
«Әбрикәйнең әбрәкәе буламы инде бу?»;
«Тышлап торма, тышлагач, табигать күренми»;
«Аскы өлешен пыяладан яса», — дип шаяртканнар иде аның язылучылары.
Әбри Хәбриев озакка сузып тормаган, инстаграмга эшенең нәтиҗәсен дә куйган.
«Братым, билетларны кайдан алырга була бу бәдрәфкә?»;
«Менәргә биегрәк түгелме?»;
«Эчендә көзгесе бармы?» — дип кызыксынган Әбридән дуслары.
Җырчы Фирдүс Тямаев: «Әбри, братан, миңа кирәк иде», — дип язган. «Ясарбыз. Мин өйрәтеп торырмын, син эшләрсең», — дигән Әбри.
«Кечкенәрәк булган», — дип гаеп табучыларга артист: «Әллә йомыш башкарырга метрга метр урын җитмиме? Биеп йөрисезме әллә бәдрәф эчендә?!» — дип җавап биргән.