БПЛА һөҗүме куркынычы сәбәпле, Татарстанның 4 шәһәрендә яшеренү урынына барырга сорыйлар

Казанда, Алабугада, Чаллыда, Түбән Камада беспилотниклар һөҗүме куркынычы игълан ителде. Халыкны яшеренү урыннарына төшәргә сорыйлар. Мәгълүмат Россия Гадәттән тыш хәлләр министрлыгының рәсми кушымтасында чыкты. Бу турыда «Татар-информ» яза.

«Куркынычсызлык чараларын күрергә кирәк. Яшеренү урынына төшегез, тәрәзәләр янына килмәгез, уяу булыгыз», – диелә хәбәрдә.

Татарстан территориясендә Мәскәү вакыты буенча 7.25 сәгатьтән башлап «Беспилотниклар куркынычы» режимы гамәлдә. «Казан» халыкара аэропортында «Ковер» режимы кертелде.