Бүген 13.38 сәгатьтә Казан аэропортында самолетларны кабул итү һәм озатуда чикләүләр кертелде. Аэропортта «Ковер» режимы игълан ителде. Бу турыда Гадәттән тыш хәлләр министрлыгының рәсми кушымтасында хәбәр иттеләр.
Бу чикләүләр очышларның куркынычсызлыгын тәэмин итү өчен кирәк.
Иртәннән Татарстанда «беспилотниклар куркынычы» режимы гамәлдә.
Һава суднолары экипажлары, авиадиспетчерлар һәм аэропорт хезмәтләре очышларның иминлеген тәэмин итү өчен бөтен чараларны күрә, дип яза «Татар-информ».