Җырчы Иркә яңа чыккан «Син миндә, мин синдә» җырына клип төшергән. Клип җырчының элеккеге клипларына да охшаган. Җырчы тамашачы алдына инде кыска киемнәрдән чыкмый башлаган иде, ә монда шау-шу, егетләр арасында кыска күлмәктән һәм шортыдан Иркә җырлый.
Яңа җырның сүзләрен һәм көен Хәмит Мәткәримов язган.
Җырчының яңа җырын «чираттагы «бомба», «ниһаять» дип хуплап алганнар иде. Тамашачы клипны да ошаткан.
«Сагынасыңмы икән, юксынасыңмы икән,
Мин диеп таңымда уянасыңмы икән?
Мин синең яныңда, мин синең уеңда,
Син кая барсаң да, мин синең хыялыңда...»