Бөгелмә шәһәр суды бер сәбәпсез һәм законлы нигезләре булмаган килеш хәрби хезмәткә барудан качып йөргән ир-егеткә карата җинаять эшен тикшергән. Бу хакта «Бөгелмә» газетасы яза.
Призывник медицина тикшеренүе узмаган, чакыру комиссиясенә килмәгән, хәрби комиссариат повесткаларын кире каккан. Болай эшләвен ярышларда булуы яки барасы килмәве белән аңлаткан.
Ул судта гаебен тулысынча таныган.
Суд бу егетнең яшь булуын, гаебен тануын һәм сәламәтлеген исәпкә алып, аңа 30 мең сум күләмендә штраф салган. Штрафны түләүгә 1 ел рассрочка билгеләнгән.
Хөкем карары үз көченә кермәгән, һәм әлеге эштә катнашучылар аны шикаять итә ала, дип хәбәр итә Бөгелмә шәһәр суды матбугат хезмәте.