Бөгелмәдә гараж боксында 2 егет мәете табылган. Бу турыда «Татар-информ» Татарстан прокурорының өлкән ярдәмчесе Руслан Галиевка сылтама белән яза.
Якынча белешмә буенча, егетләр Никитин урамындагы гараж боксын арендага алып, машина төзәтәләр. Егетләр шалтыратуга җавап бирми башлагач, мәетләрне гараж хуҗабикәсе таба.
Алар биредә яшәүче 20 һәм 21 яшьлек егетләр була.
Ир-атлар гаражда эшләп торган машинадан чыккан төтен белән агуланган булулары ихтимал. Гараж капкасы эчке яктан бикләнгән булган, диелә хәбәрдә.
