Boeing 737 пассажир самолетының җиргә төшеп бәрелгән мизгеле — видео

China Eastern авиакомпаниясенең Boeing 737 пассажир самолеты Кытайның көньягында һәлакәткә юлыккан дип язган идек.

Самолетның төшкән мизгеле күзәтү камераларына эләккән. Әлеге видео телеграм каналларда таралды. Роликтан күренгәнчә, самолет җиргә зур тизлектә төшеп бәрелгән.

Очкыч Куньминнан Гуанчжоуга очкан. Бортта 133 пассажир булган. Әлегә һәлак булучылар һәм зыян күрүчеләр турында төгәл мәгълүмат юк.