Блогер Юлия Нәбиева иренең кыйммәтле бүләген күрсәтә: «Кайчандыр ипи алырга акча юк иде»
Блогер Юлия Нәбиевага ире кыйммәтле бүләк ясаган – «биюче» бриллиантлы алкалар белән сөендергән.
«Беләсезме, хәзер искә төшереп утырдым… Кайчандыр, безнең ипи алырга да акчабыз булмаганда, ул каяндыр акча табып, өйгә 3 роза күтәреп кайта иде. Ә мин, елмаеп булса да каршы алыр урынга, «ипи яки макарон алган булсаңчы» дип ачуланып, кәнәгатьсезлек белдерә идем. Ә аның бары тик минем кәефемне күтәрәсе килгән.
Ул миңа һәрвакыт бизәнү әйберләре бирә. Һәм ул, миннән аермалы буларак, романтик.
Әтисе, бик зур рәхмәт. Шаккаттырдың, чынлап әйтәм. 10 ел эчендә бриллиантка кадәр үсеп җиттек. Яратам», – дип яза ул, шатлыгы белән бүлешеп.
«Юля, син мондый бүләкләргә лаек!», «Бер-берегезне саклагыз», «Морган – чын ир-ат. Гаиләгездә һәрвакыт аңлашу, ышаныч булачак», «Бәхетле булыгыз», – дип блогер өчен сөенешкән «подписчик»лары.
«Синең аркада кеше булды инде ул. Ты че, «звезда»! Морганның мордасына берне тарт әле. Минем өчен, яратып кына», – дип, шаярту катыш язылган комментарий да бар.
