Блогер-укытучыдан мичтә пешкән груша рецепты
«Бик тиз һәм искиткеч тәмле иртәнге ризык», — дип яза ул.
Зур Кукмара авылында яшәүче блогер-укытучы Алсу Гатауллинадан мичтә пешкән груша рецептын тәкъдим итәбез.
Грушаны икегә бүлеп, эчен чистартырга кирәк.
Эчлек өчен 100 г творог, 1 чәй калагы бал, корица, лимон согы салып болгатырга. Груша эченә тутырырга һәм 20-30 минутка духовкага куярга.
Чикләвек, җиләк яки бөтнек белән бизи аласыз.
«Бик тиз һәм искиткеч тәмле иртәнге ризык», — дип яза блогер.
