Блогер Рәсүл Тәүдирәковтан ИГИЛ* оешмасын финанслау эше буенча шаһит буларак сорау алалар
Хокук саклау органнарында «террорчылык эшчәнлегенә ярдәм итү» маддәсе буенча кузгатылган җинаять эше кысаларында мөселман блогеры Рәсүл Тәүдирәковка сораулар туган.
Мәскәүдә һәм Казанда ИГИЛ* террор оешмасын финанслауда шикләнелгән кешеләрдә массакүләм тентүләр узды.
«Татар-информ»га билгеле булганча, Рәсүл Тәүдирәков бу эштә әлегә шаһит сыйфатында, хәзер аның белән тикшерүчеләр сөйләшә. Аның статусы үзгәрәчәкме икәнлеге соңрак билгеле булачак.
Тикшерү версиясе нигезендә, 2021 елда бер төркем татарстанлылар, ИГИЛга* ярдәм күрсәтеп, Төркия кураторларына акча җибәргән.
Рәсүл Тәүдирәковка 43 яшь, ул тумышы белән Оренбург өлкәсеннән. Мәскәү тимер юл университетын, Каһирәнең Әл-Әзһәр ислам университетын тәмамлаган. Блогер, мохтаҗ мөселманнарга хәйрия эшләре белән шөгыльләнүе аша танылды, әйтик, аерым алганда, Африкада мөселманнарны су белән тәэмин итү. Ул шулай ук Курган авылында янгында каза күргән Эчкен авылы татарларына да ярдәм иткән иде.
* Россиядә тыелган террор оешмасы