Кукмара блогеры Тәнзилә Идиятуллина карт тавыклар янына яшь тавыклар алып кушканда, бер-берсен ят итеп чукышмасыннар өчен лайфхак белән бүлешә.
«Дуслар, директ тулды. «Нигә одеколон сиптердең тавыкларыңа?» – дип язасыз. Мине шулай өйрәттеләр. «Караңгыда карт тавыклар янына яшь тавыкларны кушканда, одеколон яки дезодорант сиптереп кертегез», – диделәр. Бу – барысыннан да бер төсле ис килеп торсын өчен эшләнелә. Менә шундый лайфхак.
Кайткач карарбыз инде, сугышып үлмәгән булса тавыкларым. Сез тагын нинди киңәшләр бирә аласыз», – дип сораган блогер.
«Без самогон эчертәбез. Дуслашалар»;
«Без дә яңарак сатып алдык. Безнекеләр сугышмыйлар. Бернәрсә сипмәдем, әллә нәрсәләр беләсез сез», – дип язганнар блогерга.
«Бу лайфхак эшләми»;
«Без шулай иткән идек узган ел... Ярдәм итмәде. Җәй буе сарайдан одеколон исе килеп торды. Күкәйдән генә килмәсә ярар иде, дип йөрдем. Әкият бу», – дигән фикерләр дә бар.