Блогер Рәфис Атаказның җырлаганын ишеткәнегез бармы?
Ул апасы белән мәҗлестә бүләк итеп җыр башкарган.
Блогер Рәфис Атаказ туганнар җыелган мәҗлестә «Карлар карала икән» җырын башкарган. Техник сәбәпләр булган ахры, видео бик чиста төшерелмәгән.
Шул уңайдан инстачылар әңгәмә корган:
Рәмзия үзе генә башкарса, яхшырак булыр иде. Рәфис, синең тональлек икенчерәк.
Бу бит миннән бүләк, Рәмзия җырга кушыла гына.
Рәмзиягә рәхәтләнеп җырларга тональлек килеп бетмәде. Кызганыч, авырдан барды. Аның каравы, Рәфис чын күңеленнән җырлады.
Киресенчә, Атаказ авыр башлады, Рәмзия салмак җырлый.
Микрофоннан булды ахры ул, аннан башка да яхшы җырлар идегез.
«Сүз юк, бар яктан килгән сез», «Бик матур җырлыйсыз. Гади генә итеп дөньяга ямь таратканыгыз өчен рәхмәт. Мин карап туймыйм сезгә» кебек үсендерә торган комментарийлар да калдырган блогерның виртуаль дуслары.
Рәфис Атаказның өч бертуган булуларын да халык белә икән. «Өченчегез кайда?» — дип сораучылар да бар. Аларга җавап итеп, ул өчесе бергә төшкән фото куйган.
«Дөньяның иң асыл кешеләре — БЕЗ!
Берсе — дөрләткән ут кебек!
Икенчесе — иртәнге йомшак җил!
Ә мин инде бераз гына исәррәге шулар арасында», — дип тә язган блогер.