«Татарстан – Яңа гасыр» телеканалының социаль челтәрдәге «Ә син?» тапшыруында бизнесвумен, блогер Гөлия Вәлиәхмәтова кунак булды. Тапшыруны алып баручы Әбри Хәбриев күпләрне кызыксындырган сорауны бирде.
– Кайбер блогерларның операторлары, менеджерлары, монтаж ясаучылары бар, һәрберсе – аерым. Блогер бары тик темалар уйлап, роликларда катнаша гына. Син үзең төшерәсеңме? Монтажны кем эшли?
– Минем ярдәмчем бар. Ул минем белән һәрвакыт каядыр бара. Видео да төшерә, блогерлык белән бәйле эшләремне эшли. Вайннарны оператор төшерә, профессиональ кеше җиренә җиткереп эшли.
– Ярдәмчеңә күпме түлисең?
– 60 мең сум!
– Акча эшлисегез килә, «көрәп» акча алырга телисез икән, түләргә дә өйрәнергә кирәк, җәмәгать.