Блогер Гөлия Вәлиәхмәтова үзенең шәхси аккаунтында ире белән бергә йокламауларын әйткән. Бу турыда «Матур гаилә» проекты хәбәр итә.
Блогер тормыш иптәше, аранжировкалар остасы Марат Мухин белән бергәлектә йорт салалар. Анда аларның икесенә ике йокы бүлмәсе була икән.
«Сез ничектер, мин белмим. Әмма мин үзем генә йокларга яратам! Кызыбыз Амираны балалар тудыру йортыннан алып чыккач та, Марат безнең белән 1-2не генә кунды. «Ярар, мин аерым йоклыйм», – диде. Ул, төнлә авыр сулап, безгә йокларга бирми. Минем өчен йокы бик мөһим! Мин хәтта колакчык (бируши) киеп йоклаганым бар. Берәр җиргә ял итәргә барганда гына бергә йоклыйбыз. Ә нәрсәгә гел бергә йокларга? Минем фикеремчә, төн – ул тынычлап йоклар өчен, – дип сөйли Гөлия.