Әлеге коймак башта газда, ә аннары әзер булганчы духовкада пешә.
Ингредиентлар: 1 литр җылы су, 2 йомырка, 100 грамм үсемлек мае, тоз, шикәр комы, чүпрә, он.
Камыр куе каймак кебек булырга тиеш. Аны 1-2 сәгать кабартырга, аннары пешерергә кирәк. Башта газ өстендә уртача утта коймакның астын кыздырып алырга, аннары духовкада өсте килә торган режимда (газ булса гриль, ә электр плитәсендә өстен пешерә торган режим) максималь градуста кызганчы тотарга.
«Әни коймакларны каз мае яки атланмай эретеп майлый. Мич коймагыннан ким чыкмый, пешереп карагыз», – дип язган блогер социаль челтәрдәге шәхси битендә.
