«Бланманже» рецепты
Мамадыш районы Олыяз авылыннан Гөлнара Галимуллинадан «Бланманже» рецептын тәкъдим итәбез.
Ингредиентлар: 1 стакан сөт, 1 стакан шикәр комы, 30 грамм желатин, 250 грамм эремчек, 250 грамм кибет каймагы, 3 аш кашыгы куертылган сөт (сгущенка).
Яхшылап болгатырга һәм ярты сәгать ял иттерергә кирәк. Аннары желатинны су парында җебетергә. Желатинны пешерергә ярамый, кайнатып чыгармаска кирәк.
Шушы массага кибет каймагы, эремчек, куертылган сөтне кушып болгатырга. Яхшылап миксер белән болгатырга һәм суыткычка куярга.
Кичтән ясап калдырсагыз, иртәнгә әзер була.
Өстен киви, банан, суыткычтагы җиләкләр белән бизәргә мөмкин.
Чәйләрегез тәмле булсын!
