Төрле җырчыларның төркемнәрендә эшләгән биюче Гүзәлия Хөснетдинова үзенең сторисларында серләрен яшермичә, ачылып сөйләргә ярата. Бу юлы артист янәшәсендә гел өйләнгән ирләр бөтерелүе, ә өйләнмәгән егетләрнең, куркып, читтә йөрүенә зарланган.
«Дуслар, әле сөйләмәдем бит мин сезгә. Эштәге бер өйләнгән малай миңа: «Хатын авылга кайтып китте, әйдә очрашабыз», – дип язып яткан иде. Бүген миңа әйтә: «Хатын мине «спалила», – ди. Менә мин гаеплеме аңа? Әле хатыны мине гаепле итәчәк. Исемемә кадәр белә, ди. Җитмәсә, хатынына әйткән: «Эштәге бер кыз миңа шулкадәр ошый», – дигән. Аерылышырга җыеналар икән. Мин монда бернәрсә дә белмим. Ә бу инде миңа өйләнергә, минем белән очрашырга җыена икән. Нинди баш кирәк моның өчен, нинди акыл! Ничек тотып ярмаган аны ул хатын!
Минем, күрәсең, хәзер шундый период – миңа өйләнгәннәр бәйләнә, яза, янымда йөриләр. Кирәк кешеләр инде алар миңа! Нинди гөнаһларым өчендер инде бу. Ну, карар җирем бар инде, дөресен әйтим инде. Ә тегеләре куркалар, өйләнмәгәннәре... Язарга куркалар», – дип зарланган Гүзәлия дусларына.
