Битлегең булмаган өчен 30 мең штраф салмасыннар өчен нишләргә?
Ләбиб Лерон битлексез йөргәне өчен тоткарланган журналист Рифат Каюмовка «ярдәмгә ашыга».
Эшкә ашыгып кереп барган журналист Рифат Каюмовны тәртип сакчылары туктата… План тутырыр өчен махсус лифт төбендә кизү торганнар икән! Башта битлегең юк диләр, аннары башка гаепләрен табалар — Котлы Бөкәштәге әбинең урланган әтәчен дә журналистка тагып калдырмакчылар, аннары «Татфондбанк» та урланган акчаларда да гаеплиләр… Гаепне танып, буш кәгазьгә кул куярга кушалар. хәерсезләр! Әмма журналист бирешми, ул арада Ләбиб Лерон ярдәмгә килеп җитә. Акча бирә башлагач, ике «амбал» ның да начар кеше түгел икәнлекләре ачыклана. Алар журналистны аклап протоколны ертып ташлап кына калмый, шигырь дә укыйлар, җырлап та күрсәтәләр…
«Унике» сериалының бу сериясе битлек режимы турында. Тәртип сакчылары ролендә Тинчурин театры артистлары Рөстәм Гайзуллин белән Алмаз Фәтхуллин. Ләбиб Лерон — коткаручы ролендә, төп рольдә — «Интертат» журналисты Рифат Каюмов.