Биш минутта йокыга китү өчен нишләргә?
Универсаль ысулны Тик-токта тәкъдим итәләр.
TikTok челтәрендә Psychologee нигы белән язучы кулланучы тиз йокыга китү серен өйрәткән. Бу турыда РИА Новости язды.
«Бер-берсе белән берничек тә бәйле булмаган әйберләрне уйлап ятыгыз», — ди ул.
Сезнең башта барлыкка килгән предметлар никадәр үзара бәйсез булса, шулкадәр тизрәк йокыга китәрсез, дип ышандыра социаль челтәр кулланучысы. Ул үзе йокысызлыктан шулай арынуын әйтә.
Видео авторы сүзләренчә, бу трюк турында ул психология укытучысыннан белгән. Ул үзе дә дипломлы психолог булуын профиленә язып куйган.
Берничә көн эчендә видео бик популярлашып киткән, аңа ярты миллион чамасы лайк куйганнар.