Биш бүлмәле фатирда самогон аппараты шартлап, балалар һәм аларның ата-анасы имгәнгән

29 апрельдә Иркутск өлкәсенең Түбән Илим районындагы Яңа Игирма бистәсендә биш катлы йортта көпә-көндез шартлау тавышы яңгырый. Күрше-күлән тизрәк урамга йөгереп чыга. Беренче каттагы биш бүлмәле фатир тулысынча диярлек җимерелеп беткән була. Бу турыда «Комсомольская правда» хәбәр итте.

Бүлмәләрнең барысында да тәрәзәләр ватылып беткән, стеналар кап-кара, фатир эчендә мәхшәр була.

Көндезге икеләр тирәсендә 44 яшьлек хуҗа ир-ат самогон кайнатырга тотына. Бу вакытта өйдә аның өч баласы һәм хатыны була. Шул чакта самогон аппараты шартлый.

«Шартлау вакытында фатирда бише кеше — ике олы кеше һәм өч бала була. Аларның барысын да Игирма хастханәсенә илттеләр. 10 һәм 11 яшьлек ике бала, ир белән хатын 1-2 дәрәҗәдә пешкән. Хуҗа бик каты имгәнгән», — дип сөйләгәннәр өлкә буенча Гадәттән тыш хәлләр министрлыгында.

Бу гаилә яхшылар рәтендә, бернинди хисапта да тормый. Күрше-күлән имгәнмәгән. Башка фатирларга да, йортка да зыян килмәгән. Фаҗига сәбәпләрен экспертлар ачыклый.