Чиләбе өлкәсенең Бакал шәһәрендә Екатерина исемле хатын биш яшьлек кызын үтерүдә гаепләнә. Ул сак астында була. Шул чакта аның сәламәтлеге начарлана, һәм ул вафат була. Бу турыда «Комсомольская правда» яза.
Фаҗига 29 майда көндез Бакал шәһәрендәге йортларның берсендә була. Тикшерү версиясе буенча, гаепләнүче хатын башта кызын буып үтерергә маташа, аннары бала аңын югалткач, кимендә өч тапкыр аңа пычак белән кадый. Кыз бала урында ук үлә. Бу вакытта әти кеше өйдә булмый, диелә хәбәрдә.
«Бу хатында панкреатит һәм башка авырулар була. Шул сәбәпле ул үлде», – дигән сайтның үз чыганагы.
Россия Җәзаларны үтәтү федераль хезмәтенең Чиләбе өлкәсе буенча идарәсендә дә бу хатынның үлемен раслаганнар. Гаепләнүче хатынны Свердловск өлкәсеннән этап белән китергәннәрен әйткәннәр.
«Гаепләнүче хатынны 18 августта китерделәр. Аннары, хроник авыруы сәбәпле, үзен начар хис итә башлады. 24 августта шәһәр хастаханәләренең берсенә илттеләр, ул шунда икенче көнне вафат булды, дигәннәр ведомствода.
Тикшерү күрсәткәнчә, хатын көч кулланып үтерелмәгән, диелә хәбәрдә.