Һиндстанның Бихар штатында 5 яшьлек бала агулы елан табып ашаган. Аны хастаханәдә табиблар коткарып калган. Бу турыда «Лента.ру» хәбәр итте.
Әнисе сүзләренчә, малай дусты белән урамда уйнап йөри. Балалар һиндстан крайты – агулы елан үләксәсе таба. Малайлар еланны утта кыздырып ашый. Ләкин өлкәннәргә бу турыда сөйләмиләр.
Өйгә кайткач, малайны әнисе сораштыра. Тик сабый курка һәм елан ашаганын әйтми. Бераздан аның хәле китә. Сабыйны хастаханәгә илтәләр. Бәхеткә, табиблар аны коткарып кала.
Һиндстан крайты – аеруча агулы елан, ул тешләгән кешеләр күпчелек очракта үлә, диелә хәбәрдә.