Краснодар краенда балигъ булмаган бала машина руле артына утырган һәм авариядә һәлак булган. Бу турыда «Вести» каналы хәбәр итте.
22 февральдә Усть-Лабинский районында 5 үсмер машинага утырып йөри, 20.00 сәгать тирәсендә фаҗига килеп чыга. Машина эчендә 15-17 яшьлек биш үсмер малай була.
Якынча белешмә буенча, «Chery» машинасы белән 17 яшьлек егет идарә итә. Ул тизлеген арттыра һәм машинаны юлда тотып тора алмый. Йөртүче үсмерне хастаханәгә китерәләр, ул бик авыр хәлдә була. Табиблар аны коткара алмый. 4 сәгать узгач, егет үлә.
Машина салонындагы балигъ булмаган яшьтәге 4 үсмер дә имгәнә, аларны хастаханәгә китерәләр.
Фаҗига сәбәпләрен тикшерү бара, диелә хәбәрдә.
