Туфлиләр, ботинкаларны ялтыратып чистарту ысулы киңәшләр сайтында чыкты.
Аяк киемен крем белән генә ялтыратып булмый. Крем сөрткәч, туфлиләрне яхшылап чистартып җибәрергә кирәк. Моның өчен кәгазь алалар. Тик А4 форматындагы офис кәгазе түгел, ул бу эшкә бөтенләй дә ярамый.
Газета кәгазе аяк киемен ялтырату өчен менә дигән материал. Йомшак газета бите аяк киеме өслеген бик шәп ялтырата һәм моның өчен берничә секунд вакыт җитә.
Туфли ялтырату өчен аклы-каралы буяу белән генә басылган газетаны алалар. Төсле газета ярамый, ул туфлидә эз калдырырга мөмкин, диелә хәбәрдә.