27 сентябрь көнне УНИКС концертлар залында «5 ел сәхнә синсез...» дигән, Хәния Фәрхине искә алу кичәсе узачак. Концертта сәхнәдәшләре Хәния Фәрхи җырларына яңа сулыш өреп, тамашачыга тәкъдим итәчәк. Бу хакта социаль челтәрләрдә җырчының администраторы, алып баручы Раил Нуриев хәбәр итә.
Аның сүзләренчә, бу көнне концертка килүчеләр фойеда Хәния Фәрхи музееның бер өлешен дә күрә алачак.
Татарстанның халык артисты Хәния Фәрхи 2017 елның 27 июлендә фани дөньяга күчте.
Фото: © https://vk.com/rail_nuriev_official