2 мартта кич белән Бурятиянең Иволга районындагы Поселье авылында агач өй яна. Янгында 6 һәм 9 яшьлек ике кыз бала һәлак була. Балаларның атасын һәм анасы хастаханәгә китергәннәр, алар пешкән. Бу турыда «Комсомольская правда» яза.
Якынча белешмә буенча, янгын ут төртү аркасында чыккан, ут өй эчендә башланган.
Бурятия буенча Тикшерү идарәсе белешмәсе буенча, бу өйдә балигъ булмаган яшьтәге 5 балалы гаилә яши. Янгын чыкканда балаларның өчесе хастаханәдә ята.
Фаҗига булган кичтә өлкәннәр хәмер эчә. Исерек әти бензин сибеп, өй эченә ут төртә. Ике кызы урында ук үлә, ир белән хатын бик каты пешә, алар авыр хәлдә хастаханәдә ята.
Җинаять эше ачылган, тикшерү бара, диелә хәбәрдә.
