Microsoft компаниясенә нигез салучы Билл Гейтс ясалма интеллектны кешелек тарафыннан кайчан да булса уйлап табылган иң куркыныч корал дип саный һәм аны эшләүне һәм куллануны контрольдә тотуны көчәйтү яклы. Бу хакта ул The New York Times газетасына биргән әңгәмәсендә сөйләгән.
Гейтс фикеренчә, ясалма интеллект технологияләрен контрольдә тоту бары тик аларны эшләүчеләр кулында гына булырга тиеш түгел.
«Кайчан да булса уйлап табылган иң куркыныч инструментны аны уйлап табучылар гына контрольдә тотамы? Юк, рәхмәт!» – дигән ул.
Миллиардер шулай ук хәрби өлкәләрдә, шул исәптән биологик корал эшләүдә һәм куллануда потенциаль рәвештә файдаланылырга мөмкин булган ясалма интеллект системаларын мәҗбүри тикшерүләр кертүне хуплаган.
Гейтс моңа кадәр Ак йорт һәм технология тармагы вәкилләре тарафыннан эшләнгән ирекле җайга салу чараларының булуына гаҗәпләнүен белдергән. Аның сүзләренчә, ясалма интеллект куркынычсызлыгы мәсьәләсенә җитәрлек игътибар бирелмәү аны «шок хәленә китергән». Бу турыда «Татар-информ» яза.