«Бик шатлыклы көн!» - бүген Чулпан Йосыповага медаль биргәннәр
Чулпан Йосыповага дәрәҗәле исем бирелгән.
«Бүген бик матур бәйрәм! Мәдәният хезмәткәрләре көне! Бәйрәм белән, коллегалар! Бүген минем өчен бик тә шатлыклы көн, соңрак сөйләрмен», — дип яза җырчы Инстаграм битендә. Соңрак тагын бер матур фото урнаштыра. «Күптән түгел Чулпан Әүхәт кызына Татарстан Республикасының атказанган артист исеме бирелүе турында указ чыккан иде. Бүген медальне тапшырдылар. Пермь ягы, Барда районы, Танып дигән кечкенә генә авылдан чыккан кызны шулай бәяләгәннәре өчен Татарстан Республикасы хөкүмәтенә, яраткан тамашачыма зур рәхмәт! Әти-әниемә, гаиләмә рәхмәтлемен!» — дип шатлыгын уртаклаша Чулпан Йосыпова.
