Җырчы Ришат Фазлыйәхмәтов социаль челтәрдәге сәхифәсендә куйган соңгы видеоязмада, баянга кушылып, «Тормыш кочагында» җырын сузган һәм әлеге видео астына киләсе – 2023 ел турында уйланулары белән уртаклашкан.
«Тормыш кочагында»... Бик сәләтле баянчы Илнур Ганиев белән үзебезнең көйләрне сузып алдык әле. Сез дә тыңлап узыгыз.
Яңа ел җитә... Бер теләк: тормышлар ямьләнеп, дөньялар тынычланып китсен! 2023 елга өметләр зурдан, бары яхшы хәбәрләр генә китерер, дип өметләнәм. Өметсез шайтан гына, диләр. Ни булса да, теге «Титаник» киносындагы кебек, ахырга кадәр татар моңын сузармын, туктамам. Дөнья беткәндә дә бер моң ишетсәгез, ул – мин булырмын», – дигән Ришат.
«Ришат, татар халык җырларын бигрәк тә моңлы итеп җырлыйсың. Баянга аеруча да матур. Сиңа җитешлесе юк», «Афәрин!» – дип мактаганнар аны виртуаль дуслары. Яңа елга изге теләкләрен дә җиткергәннәр.
«Бик моңсу сүзләр язгансыз», – дип комментарий калдыручы да бар.
Видео: Ришат Фазлыйәхмәтовның социаль челтәрдәге аккаунтыннан