«Бик бәхетле булып кына яшәргә язсын әле» - Зәринә Хәсәншинаның кулын сораганнар

Зәринә Хәсәншинаның тормышында бик тә шатлыклы үзгәрешләр көтелә – җырчы тиздән кияүгә чыгачак. Шушы көннәрдә сөйгәне әти-әнисеннән аның кулын сорарга килгән.

«Бәхет тынычлыкны ярата», – дигән халык әйтемен истә тотып, Зәринә социаль челтәрләрдә сөйгәнен һәм бу матур йоланың ни рәвешле узганын күрсәтмәде. Шулай да, кияү ягы алып килгән матур һәм тәмле күчтәнәчләр белән фото урнаштырды. «Бик бәхетле булып кына яшәргә язсын әле», – дип язып куйган ул фото астына, җыр сүзләре белән.

Зәринәгә сөйгәне күптән түгел генә тәкъдим ясаган иде.

Яшьләргә тигез, бәхетле тормыш теләп калабыз.