Биектау районының Пановка авылында сукбай этләр көтүдә йөргән сарыкларны өзгәләп ташлаган. Бу хакта «Татарстан – 24» басмасына фермер хәбәр иткән. Ул иртән ботарлап ташланган 10 сарыкка тап булган, ә янәшәдә этләр йөргән.
Этләр төнлә территориягә кереп сарыкларга һөҗүм иткән булырга мөмкин. Фермер сүзләренчә, шул ук этләр авылда яшәүчеләргә дә, шулай ук балаларга да берничә мәртәбә ташланган булган инде.
Фото: © tatarstan24.tv
Хәзер фермерга сукбай этләр салган зыянны исәпләргә туры киләчәк. Ә менә матди зыянны кем түләячәге билгеле түгел.
Фото: © tatarstan24.tv
