«Бичара әбиләр куркуларыннан чактан гына үлми калды». Хастаханәдә музыка куйганнар
Чаллы хастаханәсе авырулардан гафу үтенгән.
Чаллы хастаханәсендә тулы көченә музыка куеп, авыруларны куркытканнар. Шундый видео социаль челтәрдә куелды.
Администрация ГАУЗ "Городская больница 5" приносит свои извинения за предоставленные неудобства«Бичара әбиләр куркуларыннан чактан гына үлми калды. Аннары динамиклар тавышыннан кереп качар тишек тапмадылар. Мин табиб түгел, әмма мондый терапия кешеләргә кирәк түгел. Пенсиягә кадәр яшисе килә әле!» — дип яза хастаханәдә булган пациент.
Хастаханәдә радионы тулы көченә кушуны дөрес түгел дип тапканнар. Ә кайберәүләр табибларны яклаган:
«Хастаханәдә музыка булырга тиеш түгел! Күңел ачу урыны түгел ул!»
«Чаллы табиблары коронавирусны дәвалауның ысулын тапкан»,
«Табиблар үзләре дә куркып калган иде».
«Чаллының 5 номерлы хастаханәсе гафу үтенә. Янгын системасын ремонтлаган вакытта җиһазлар дөрес эшләми башлады, шул сәбәпле, музыка кушылды. Белгечләр моны тиз арада хәл итте. Биш минут эчендә проблема юкка чыкты», — дип белдерә хастаханә җитәкчелеге. Хастаханә җитәкчелегенең җавабын «Комсомольская правда» китергән.