"Әби, тырыш инде! Кызыңны дөрес юлга кертеп җибәр!" Роза Сябитованы секс һәм акча яратуда гаеплиләр
"Давайте поженимся" тапшыруын алып баручы Роза Сябитованы "илнең иң танылган яучысы" дип йөртәләр. 8 март белән котлаган фотосын урнаштыргач, аны әхлаксызлыкта гаепли башладылар.
Социаль челтәрдә язуларга ышансаң, бу хакта, имеш Роза Сябитова үзе әйткән.
Роза Сябитова 8 март көнне кызы белән төшкән фото урнаштырып, хатын-кызлар көненә бирелгән бүләк модага туры килгән һәм кыйммәтле булырга тиеш дип язган иде. Укучылар иң кыйммәтлесе - гаилә бәхете, ә менә Сябитованың әлегә кадәр ныклы гаиләсе дә юк, кызы бала да тапмады дип гаепли башладылар. Сябитованы "итексез итекче" дип атыйлар - имеш, кешеләрне яучылый, үзенең ире дә юк.
"Әби, тырыш инде, үзеңне күрсәтүдән тукта. Кызыңны дөрес юлга кертеп җибәр!" - дип язалар Сябитовага.