Әби кеше оныгының авызына аш серкәсе салып үтергән
Кызы өйдә бала тапкач, олы хатын җинаять кыла.
Пермь өлкәсенең Чернушинский районында бер хатын оныгын вәхшиләрчә үтергән. Бу турыда «Вести» каналы хәбәр итте.
Фаҗига былтыр декабрьдә булган. Әби кешенең фатирындагы ваннада кызы бала тудыра. Аналы-кызлы бу хатыннар яңа туган сабыйны тәрбияләргә теләми. Шуннан соң әби кеше нарасыйның авызына аш серкәсе сала. Бала һәлак була.
Суд бу хатынны бала үлемендә гаепле дип таба һәм 12 елга ирегеннән мәхрүм итә. Ул каты режимлы колониягә озатыла, диелә хәбәрдә.