Җырчы Зөлфирә Шәйдуллина социаль челтәрдәге аккаунтында үзләренең командасына биюче кыз эзләүләре турында хәбәр итте.
– Безнең төркемебезгә бер биюче кыз кирәк. Калган төркемебез, Аллага шөкер, җыелып бетте. Бер кыз гына кирәк. Кемнәрнең эшлисе килә, кызлар, рәхим итегез. Тәҗрибәсе булганнар бөтенләй шәп була. Кая да булса биюгә йөргән, сәхнәдә биегән кеше булырга тиеш. Администраторларга да, төркемнәргә дә язмагыз. Кызлар, шәхсән үземә языгыз, ярыймы. Видеоларыгызны карыйк, сөйләшик, күрешик. Кыскасы, рәхим итегез! – дип сөйли Зөлфирә Шәйдуллина.