«Берсенең бармагы өзелгән»: пиротехника белән уйнаган ике бала кулсыз кала язган
Карачай-Черкесиядә ике бала, пиротехника белән уйнап, кулсыз кала язган. Алар петарда эчендәге матдә белән тәҗрибә ясап карамакчы булган. Нәтиҗәдә петарда шартлаган һәм балаларның берсенең бармагын өзгән. Бу хакта Рен-ТВ хәбәр итте.
Мәктәп укучылары яраланган, берсенең бармагы өлешчә өзелгән. Малайлар хастаханәдә, аларга медицина ярдәме күрсәтелгән. Балаларга пиротехника саткан кешегә штраф салганнар.
