Берничә тапкыр әйләнеп капланган машинадан кеше очып чыккан мизгел видеога эләккән
Иминлек каешын эләктергән машина йөртүче үзе салонда калган, ул җиңелчә имгәнгән.
Украинаның Львов өлкәсендәге Корчин авылы тирәсендә 7 ноябрьдә коточкыч авария була. Шул мизгелләрне видеорегистратор камерасы төшереп алган. Бу кадрларны «Вести» каналы күрсәтте.
Land Rover машинасы алдыннан бара торган автомобильне узып китә. Арттарак калган машинаның видеорегистраторы эшләп тора. Ул Land Rover автомобиленең узып китүен, тик үз полосасына таба чыгарга маташканда идарәсен югалтуын төшереп ала. Кроссовер асфальттан чыгып, юл кырыена төшеп китә. Аннары ул бераз шуып бара, берничә тапкыр әйләнеп, түбәсенә каплана.
Әйләнеп каплана торган машина тәрәзәсеннән бер мизгелдә кеше очып чыгуы күренә. Бу хатын иминлек каешын эләктермәгән булган. Якынча белешмә буенча, очып чыккан хатын бик җитди имгәнә, аны хастаханәгә илткәннәр. Машина белән идарә итүче ир-ат иминлек каешын эләктергән булган, ул җиңелчә генә имгәнгән, диелә хәбәрдә.
