Берничә кешене берьюлы яшен суккан мизгел видеога эләккән
Дүрт кеше агач астында качып тормакчы була.
Һиндстанның Харьяна штатында 12 мартта берничә кешене яшен суккан. Әлеге фаҗигане видеокүзәтү камерасы төшереп алган. «Вести» каналы шул кадрларны күрсәтте.
Илнең төньягында урнашкан штатта яңгыр вакытында дүрт кеше агач астында качып тормакчы була. Бакчачы булып эшләүче бу ир-атлар басып торган агачны яшен суга.
India Today басмасы хәбәр иткәнчә, ир-атлар җитди имгәнә. Аларның тәне пешә. Бу кешеләрне хастаханәгә озатканнар. Аларның берсе хәзерге вакытта критик халәттә, ул реанимациядә ята, диелә хәбәрдә