«Татар малай» сәхифәсен алып баручы Ринат Галиәхмәтов әнисе пешергән гуляш рецепты белән уртаклашкан.
«Әнием Әлфия Галиәхмәтовадан гуляш рецепты. Лайк куй, сакла һәм языл», – дип тә язган Ринат, әнисенең язылучыларын арттырырга теләп.
Гуляш өчен: 1 кг ит, 2 зур суган, 2 зур помидор, 1 кишер, 2 аш кашыгы он, үсемлек мае.
Итне турарга, табага салып, үз суында пешерергә. Аннары 2 зур суганны турарга, 10 минут пешерергә. Помидорны турарга, кишерне угычтан уарга һәм, ит өстенә салып, тагын 10 минут пешерергә. 2 аш кашыгы он салып, әзер булганчы пешерергә.
Итегез майлы булмаса, үсемлек мае салырга була, ә онны табада кыздырып алырга мөмкин.
Фото: © Ринат Галиәхмәтовның социаль челтәрдәге битеннән
