«Бердәм Россия» Абдулганиевны Татарстан Дәүләт Советы рәисе вазифасына тәкъдим итәчәк
«Бердәм Россия» фракциясе әгъзалары Дәүләт Советы утырышында Татарстан Республикасы Дәүләт Советы рәисен сайлау мәсьәләсен карарга тәкъдим итәчәк. Мондый карар бүген «Бердәм Россия» фракциясе утырышында кабул ителде.
Фракциядән Фәрид Абдулганиев кандидатурасы тәкъдим ителәчәк. Моңа кадәр «Бердәм Россия» партиясенең үзәк һәм төбәк структураларында килештерү процедуралары узган, дип яза «Татар-информ».