«Бераз кыек икән…»: Рамил Шәрапов тешләренә кагылышлы сорауга шаян итеп җавап биргән
Юморчы Рамил Шәраповка тамашачысы социаль челтәрдә бик тә шәхси сорау биргән. Ул аның тешләре туры булмауга ишарәләгән һәм «Нигә брекет кимисез?» дигән сорау биргән. Артист бу сорауга да шаян җавап тапкан.
Ну, нәрсә дип әйтим. Без – бөтен Шәраповлар династиясе – сезгә тагын бер кат кабатлыйбыз. Миңа «астагы тешләреңне турайтыр өчен, башта 5 тешеңне бөтенләй алырга» диделәр. Аңладыгызмы? Авыз «сквозняк» була, шуңа тимер тарттыралар. Мине шулай матур булыр дип уйлыйсызмы? Болай… Үземнеке… Бераз кыек икән… Сезнеке идеаль диярсең… – дип җавап биргән артист бу сорауга.