Вадим Захаров үзенең дуслары белән Дербышки бистәсендәге ятим балалар йортында концерт куйган һәм сабыйларга өстәлләр әзерләп, сыйлы-җырлы зур бәйрәм оештырган.
«Һәр ел саен матур традиция буенча, без Илсур абый һәм дусларым белән бирегә җыелып, балалар өчен бәйрәм оештырабыз.
Мондый очрашулар балаларга чиксез шатлык, күңелле мизгелләр һәм онытылмаслык хисләр бүләк итә. Аларның йөзләрендә елмаю күрү, күзләрендә бәхет очкыннарын тою – үзе зур сөенеч! Кадерле дуслар, әгәр сезнең дә вакытыгыз һәм мөмкинлегегез булса, бу балаларга шатлык бүләк итегез. Кайвакыт бер җылы сүз, игътибар, бергә үткәрелгән вакыт зур бәхет китерә», – дип, матур чарадан видеолар белән уртаклаша артист.