Уфа шәһәрендә 1 яшьлек бала снюс пакетын йоткан. Хәзер аның гомере өчен табиблар көрәшә, дип яза «SHOT» телеграмм-каналы.
9 апрельдә Ксения һәм аның егете оныгын вакытлыча караучы әбисе янына кунакка кергән. Кыз әбисенә «перевязка» ясарга киткән, ә бу вакытта бала белән аның егете калган.
Моңа кадәр ул кесәсеннән чәйни торган тәмәке салынган тартманы чыгарып, комод өстенә куйган. Тартмадан бер пакет идәнгә төшкән, һәм аны сабый күреп алган да авызына капкан.
Баланы шунда ук реанимациягә алып киткәннәр, хәзер ул табиблар күзәтүе астында. Малай авыр хәлдә.
