Бер тешләүдә алты кеше үтерерлек агу чыгаручы елан турист чемоданына кереп яткан

Яңа елны Кейптаун шәһәрендә каршылаган турист кыз чемоданына Африкадагы иң агулы еланнарның берсе — зур кобра кереп яткан. Агулы елан туристның куртка җиңендә булган. Бу турыда "Вести" каналы хәбәр итте.

Турист чемоданын 2 гыйнварда тутырган. Шул ук көнне ул самолетка утырып китәргә тиеш булган. Кыз джинс курткасын сала башлагач, аннан елан шуып төшкән. Сары кобра чемодан артына качып киткән. Кыз аны видеога төшереп алган.

Коты алынган кыз администратор янына барган. Ул еланнарны тота торган махсус кешеләрне чакырткан.

When you’re casually packing your bag, pick up your denim jacket and a massive fucking cape cobra just flops out onto the floor

If this is the start of my 2019.... fuck me

— Fillip Sklodowska’s Cat (@stripper_oprah) 2 января 2019 г.

Соңгы вакытта кобраларның әлеге төре йортларга еш керә башлаган. Корылык булганга күрә, континенттагы иң куркыныч еланнарның берсе су эзләп кешеләр яши торган йортларга килә икән.

• Әлеге елан бер тапкыр тешләгәндә алты кешене үтерергә җитәрлек агу чыгара. Бу агуда нейротоксиннар бик зур күләмдә була. Алар мизгел эчендә кешенең нерв системасын җимерә — мускуллар параличлана, еланның корбаны сулыш ала алмыйча һәлак була.