«Бу торт бик җиңел әзерләнә, шулай булуга карамастан, бик тәмле килеп чыга», – дип уртаклаша «Актаныш таңнары» газетасы.
Камыр өчен 1,3 стакан он, 1 стакан шикәр комы, 3 йомырка, 2 аш кашыгы бал, 1 бал кашыгы чәй содасы кирәк була. Шоколадлы коржлар яратсагыз, камырны 2 аш кашыгы какао өстәп басыгыз.
Крем өчен: 1 стакан каймак, ½ стакан шикәр комы.
Он, шикәр комы, йомырка, бал һәм чәй содасын (аз гына аш серкәсе яки лимон суты белән сүндерергә кирәк) кушып камыр басабыз һәм аны өч өлешкә бүлеп, җәеп, өч корж пешереп алабыз.
Крем әзерләү өчен каймакка шикәр комын өстәп туглыйбыз. Коржлар суынгач, алар арасына кремны ягып, өябез. Әзер торт өстен угычта уылган шоколад белән бизәп, суыткычка куябыз.
