«Бер рота солдат булганда». Тиз арада кулдан пилмән бөгү ысулы — видео
Социаль челтәрләрдә тиз арада күп кешегә җайлы гына пилмән бөгү ысулы таралды.
Камырга итләрне тезеп чыккач, аларны камыр белән каплыйлар, аннары рюмкалар белән кисеп, аннары бөгеп чыгалар. «Карагыз әле, нинди җайлы ысул!» — ди видеога төшерүче. «Отходы да әз чыга. Ничә ел яшәп, мондый хәл күргән юк иде. Шык-шык кына ясый. «Тәмле булсын, пилмәннәрегез!», ди ул.
Пилмән ясау ысулының авторы видеода әйтелмәгән. «Безнең апаның килене, бик булган кыз» дип кенә таныштыралар аның турында.
Социаль челтәрләрдә «Бер рота солдат булганда җайлы ысул» дип язганнар.
