«Бер җирдән йонны ал, икенче җиргә ябыштыр...» – Илсөя Бәдретдинова хатын-кызлар турында
Җырчы Илсөя Бәдретдинова гомергә җор телле, халыкчан, гади булуы белән башка артистлардан аерылып торды. Әйтсә – әйтә. Турыдан бәрә торган гадәте бар аның. Әнә, социаль челтәрдәге сәхифәсендә хатын-кызларга кирәк әйберләр турында язган әле. Кызык. Бүгенге көннең чын дөреслеге.
– Кайчагында: «Э-э-эх, кыз кирәк иде миңа», – дип сөйләнеп йөрим дә, улым Нариманга карап, елмаеп куям. 2 чалбар, 3 футболка аның... Кием алыйк, дисәм, «миндә бар» ди. Аена 1 тапкыр чәч кистерә, сакалын кыра да – «красава».
Ә кыз булса? Әле анасына да охшаган булса?
Бигрәк күп кирәк инде безгә, әйеме? Мәсәлән, капрон колготки... Ни тыкырыгыма дип ертыла ул көн саен, авызыңакерим, ә?.. Узган елгы сумка быелгы курткага килешми... Бер җирдән йонны ал, икенче җиргә ябыштыр... Әле тагын тырнагы... Кашы... Мәсәлән, хайлайтер дигән бизәнү әйбере – ялтырасын өчен, пудра ялтырамасын өчен кирәк...
Әйдәгез, хатын-кызларга кирәк әйберләрне саныйбыз, – дип тәкъдим иткән җырчы виртуаль дусларына.
Илсөя белән күпчелек халык килешкән. Ир бала үстерүе ансатрак, дигән фикерне алга сөрүчеләр күбрәк.
«Минем иптәшемә чыдыйсы гына кала. Өч кызыбыз үсеп килә. Минем белән – дүртәү. Хәзердән үк бизәнү әйберләре сорыйлар»;
«Бөдрә чәчне турайтып, туры чәчне бөдрәләтү... кашны йолку һәм кире сызып кую...»;
«Минем ирем гел әйтә, сезгә кирәк инде «косметика», ә без тумыштан ук матур, ди»;
«Ул капронкага киткән акча инде, арышыңны урыйм... Берәү аның кадәр тәмәке дә тартмый», – дип язучылар булган.
«Малайларның да төрлесе бар, Илсөя апасы. Сиңа уңыш елмайган, шул гына», «Четерекле сорау инде. Безнең 3 ир бала менә. Һәрберсенә фатир алып бирергә тырышачакбыз», – дип, комментарийлар калдыручылар да бар.
Фото: Илсөя Бәдретдинованың шәхси аккаунтыннан